O‘zbekistonliklar Mustaqillik bayramida ketma-ket 4 kun dam oladi

«O‘zbekiston Respublikasi davlat mustaqilligining o‘ttiz bir yillik bayramiga tayyorgarlik ko‘rish va uni yuqori saviyada o‘tkazish to‘g‘risida»gi Prezident qarori qabul qilindi.

Unga ko‘ra, Mustaqillik bayrami munosabati bilan o‘zbekistonliklar 4 kun ketma-ket dam oladi. Ya’ni:

2022 yil 1 sentyabr — payshanba (ishlanmaydigan bayram kuni);

2022 yil 2 sentyabr — juma (qo‘shimcha ishlanmaydigan kun - ish haftasi turidan qat’i nazar);

2022 yil 3 sentyabr — shanba (qo‘shimcha ishlanmaydigan kun - olti kunlik ish haftasi bo‘lgan xodimlar uchun);

2022 yil 4 sentyabr — yakshanba (taqvim bo‘yicha dam olish kuni).

Eslatib o‘tamiz, hujjatga ko‘ra, bu yil Mustaqilliku bayrami "Yangi O‘zbekistonda el aziz, inson aziz” degan bosh shior ostida nishonlanadi.