O‘zbekistonda Qirg‘iziston madaniyati kunlari o‘tkaziladi
Qirg‘izistonning O‘zbekistondagi elchisi Musa Jamanboyev va madaniyat vaziri Ozodbek Nazarbekov joriy yilda O‘zbekistonda Qirg‘iziston madaniyati kunlarini o‘tkazish masalalarini ko‘rib chiqdi. Bu haqda “Kabar” agentligiga Qirg‘izistonning Toshkentdagi diplomatik vakolatxonasi matbuot xizmati xabar berdi.
Suhbat chog‘ida tomonlar madaniyat va san’at sohasidagi ikki tomonlama hamkorlikning jadal rivojlanib borayotgani hamda faol o‘zaro madaniy almashinuvni ta’kidladilar. Madaniyat sohasidagi aloqalarni, ayniqsa, Qirg‘iziston va O‘zbekistonning chegaradosh viloyatlari o‘rtasidagi aloqalarni yanada mustahkamlash istiqbollariga alohida e’tibor qaratildi.
Madaniyat va san’at sohasida kadrlar tayyorlash sohasida hamkorlikni rivojlantirishning salohiyatli imkoniyatlaridan yanada faolroq foydalanish bo‘yicha kelishuvga erishildi.