O‘zbekistonda eng ko‘p qo‘llanilgan vaksina qaysi?
Ayni paytda mamlakatimizda 5 turdagi vaksinadan foydalanilayotgan bo‘lib, jami qo‘llanilgan vaksinalar 17,4 million dozadan oshdi.
Shu vaqtgacha eng ko‘p qo‘llanilgan vaksina o‘zbek-xitoy hammuallifligida ishlab chiqarilgan ZF-UZ-VAC2001 vaksinasidir. Ayni paytgacha foydalanilgan vaksinalarning 17 foizini ZF-UZ-VAC2001, 14 foizini Moderna, 2 foizini "Sputnik V" hamda 5 foizini AstraZeneca vaksinasi tashkil qilmoqda. Bu haqda Axborot va ommaviy kommunikasiyalar agentligida o‘tkazilgan brifingda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov ma’lum qildi.
Shuningdek, mutasaddi vaksina pandemiyani yengishning hamda o‘zimiz va yaqinlarimiz salomatligini asrashning yagona chorasi ekanligini ta’kidlab o‘tdi.
