O‘zbekiston va Qozog‘iston 54ta shartnoma imzoladi
O‘zbekiston Qozog‘istonning eng yirik savdo hamkorlari TOP-5 ro‘yxatiga kirishi mumkin. Shu yil 9 oyida o‘zaro tovar ayirboshlash hajmi 2,9 mlrd $dan oshdi.
Turkistonda III mintaqalararo hamkorlik forumida Qozog‘iston bosh vazir Asqar Mamin va O‘zbekiston bosh vaziri Abdulla Aripov savdo-iqtisodiy, investisiya, qishloq xo‘jaligi, transport, suv-energetika va turizm sohalarda hamkorlik qilish masalalarini muhokama qilishdi.
✍🏻Mashinasozlik, agrosanoat, qurilish materiallari, elektrotexnika, tibbiyot buyumlari ishlab chiqarish bo‘yicha 611,3 mln $ 54ta shartnoma imzolandi.
Orolbo‘yi ekologik muammolarini hal etish bo‘yicha qo‘shma loyihalar davom etadi. “Orol dengizining qurigan tubida saksovul plantasiyalarini ekish bo‘yicha sa’y-harakatlarni birlashtirishni taklif qilamiz, – dedi Qozog‘iston bosh vaziri.
