O‘zbekiston — Tojikiston harbiylari maxsus taktik o‘quv mashg‘ulotlari o‘tkazdi

Sharqiy harbiy okrugga qarashli «G‘urumsaroy» dala o‘quv maydonida 26 — 30 iyul kunlari O‘zbekiston — Tojikiston harbiy xizmatchilari ishtirokida «Jangovar hamdo‘stlik — 2021» deb nomlangan maxsus taktik o‘quv mashg‘ulotlari bo‘lib o‘tdi, deya xabar qildi O‘zbekiston Mudofaa vazirligi matbuot xizmati.

O‘quv mashg‘ulotlari jarayonida o‘zbek-tojik harbiylari kasbiy faoliyatlari yuzasidan o‘zaro malaka va tajriba almashdilar.

30 iyul kuni O‘zbekiston va Tojikiston davlatlari Qurolli Kuchlari hamkorligida o‘tkazilgan «Jangovar hamdo‘stlik — 2021» maxsus taktik o‘quvining asosiy jarayonlari yakuniga yetdi.