O‘zbekiston terma jamoasi FIFA reytingida yuqoriladi

O‘zbekiston terma jamoasi FIFA reytingida yuqoriladi

FIFA bugun — 23 iyun kuni dunyo terma jamoalarining yangi reytingini e’lon qildi. Joriy oyda ancha o‘yinlar o‘tkazilgani bois, reytingda o‘zgarishlar ko‘zga tashlandi.

O‘zbekiston terma jamoasi ushbu oyda Osiyo kubogi-2023 saralash bosqichi doirasida 3ta rasmiy o‘yinda ishtirok etib, ularning barchasida g‘alaba qozondi. Buning natijasida jamoamiz o‘z ballarini 20 ballga boyitdi hamda o‘z ochkolarini 1306,63 ballga yetkazdi. Oqibatda reytingda 6 pog‘ona yuqoriga ko‘tarilib, 77-o‘ringa joylashdik.

Osiyo mintaqasida esa top-10ga kirdik. Bizdan yuqori pog‘onalarni Eron (23-o‘rin), Yaponiya (24), Janubiy Koreya (28), Avstraliya (39), Qatar (49), Saudiya Arabistoni (53), Birlashgan Arab Amirliklari (69), Iroq (70), Ummon (75) terma jamoalari egallab turibdi.

Umumiy reytingni esa Braziliya terma jamoasi boshqarib turibdi. Ikkinchi pog‘onani Belgiya band etgan bo‘lsa, Argentina bir qator ko‘tarilib, kuchli uchlikka kirdi. Fransiya 4-o‘ringa tushgan bo‘lsa, Angliya beshinchi pog‘onaga joylashgan.

FIFA reytingi, 2022 yil iyun

1. Braziliya — 1837,56
2. Belgiya — 1821,92
3. Argentina — 1770,65
4. Fransiya — 1764.85
5. Angliya — 1737,46
6. Ispaniya — 1716.93
7. Italiya — 1713,86
8. Niderlandiya — 1679.41
8. Portugaliya — 1678.65
10. Daniya — 1665.47

Osiyo terma jamoalari reytingi
23. Eron — 1559
24. Yaponiya — 1553
28. Janubiy Koreya — 1526
39. Avstraliya — 1484
49. Qatar — 1441
53. Saudiya Arabistoni — 1436
69. Birlashgan Arab Amirliklari — 1346
70. Iroq — 1338
75. Ummon — 1323
85. O‘zbekiston — 1307

Sobiq Ittifoq mamlakatlari terma jamoalari reytingi

27. Ukraina — 1543
35. Rossiya — 1493
77. O‘zbekiston — 1307
82. Gruziya — 1269
92. Armaniston — 1242
95. Qirg‘iziston — 1228
96. Belarus — 1226
108. Tojikiston — 1179
109. Estoniya — 1177
114. Qozog‘iston — 1166
128. Ozarboyjon — 1127
129. Latviya — 1125
135. Turkmaniston — 1100
142. Litva — 1071
178. Moldova — 945.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!