O‘zbekiston Respublikasi Konstitusiyasiga qanday o‘zgartirish va qo‘shimchalar kiritilgan?
"Huquqiy axborot" kanali O‘zbekiston Respublikasi Konstitusiyasiga hozirgi kunga qadar 14 marta o‘zgartirish va qo‘shimchalar haqida ma’lumot berdi:
1993 yil 28 dekabrda qabul qilingan Qonun bilan Konstitusiyaning 77-moddasi 1-qismidagi “150 nafar deputatdan” degan so‘zlar “deputatlardan” degan so‘z bilan almashtirildi;
2002 yil 27 yanvarda o‘tkazilgan umumxalq referendumi natijalariga ko‘ra hamda uning asosida 2003 yil 24 aprelda qabul qilingan Qonuniga muvofiq, Konstitusiyaning XVIII, XIX, XX, XXIII boblariga o‘zgartishlar va qo‘shimchalar kiritilgan;
2007 yil 11 apreldagi Qonun bilan Konstitusiyaning 89-moddasiga, 93- moddasining 15-bandiga, 102-moddasining ikkinchi qismiga tuzatishlar kiritilgan;
2008 yil 25 dekabrda qabul qilingan Qonun bilan Konstitusiyaning 77-moddasi birinchi qismiga o‘zgartish kiritilgan;
2011 yil 18 aprelda qabul qilingan Qonun bilan Konstitusiyasining 78, 80, 93, 96 va 98-moddalariga o‘zgartish va qo‘shimchalar kiritilgan;
2011 yil 12 dekabrda qabul qilingan Qonun bilan Konstitusiyaning 90-moddasi ikkinchi qismiga tuzatish kiritilgan;
2014 yil 16 aprelda qabul qilingan Qonun bilan Konstitusiyaning 32, 78. 93, 98, 103 va 117-moddalariga o‘zgartish va qo‘shimchalar kiritilgan;
2017 yil 6 aprelda qabul qilingan Qonun bilan Konstitusiyaning 80, 81, 83, 93, 107, 110 va 111-moddalariga o‘zgartish va qo‘shimchalar kiritilgan;
2017 yil 31 mayda qabul qilingan Qonun bilan Konstitusiyaning 80, 93, 108, va 109-moddalariga o‘zgartish va qo‘shimchalar kiritilgan;
2017 yil 29 avgustda qabul qilingan Qonun bilan Konstitusiyaning 99 va 102-moddalariga o‘zgartish va qo‘shimchalar kiritilgan;
2018 yil 15 oktyabrda qabul qilingan Qonun bilan 105-moddaning birinchi qismidagi “ikki yarim yil muddatga raisni (oqsoqolni) va uning maslahatchilarini” degan so‘zlar “raisni (oqsoqolni)” degan so‘zlar bilan almashtirilgan;
2019 yil 18 fevralda qabul qilingan Qonun bilan 80 va 93-moddalardagi “Milliy” degan so‘z “Davlat” degan so‘z bilan almashtirilgan;
2019 yil 5 martda qabul qilingan Qonunga asosan 79, 93 va 98-moddalarga o‘zgartirishlar kiritilgan;
2019 yil 4 sentyabrda qabul qilingan Qonunga asosan saylov to‘g‘risidagi qonun hujjatlari takomillashtirilishi munosabati bilan 96 va 117-moddalarga o‘zgartirishlar kiritildi.
