O‘zbekiston MDHda aholi bandligiga doir bitimni birinchi bo‘lib tasdiqladi
O‘zbekiston birinchi bo‘lib, MDH davlatlari orasida aholi bandligiga ko‘maklashish to‘g‘risidagi bitimni imzoladi, deb xabar qilmoqda Mehnat vazirligi.
Ushbu haqidagi prezident qarori 2021 yil 16 sentyabr kuni imzolandi. Unga muvofiq O‘zbekiston mehnat migrasiyasini tartibga solish, norasmiy bandlikni qisqartirish bo‘yicha MDH davlatlari bilan samarali hamkorlikni yo‘lga qo‘yadi.
Shartnomaga muvofiq aholi bandligini ta’minlovchi axborot portallarini integrasiya qilish orqali MDH mehnat bozoridagi mavjud ish o‘rinlari haqidagi ma’lumotlarni muntazam yangilab boriladi.
MDH davlatlarida bandlikka ko‘maklashish va hamkorlik qilish to‘g‘risidagi bitim 2021 yilning 28 may kuni Minsk shahrida MDH Hukumat rahbarlari kengashi yig‘ilishida imzolangan edi.
Hozirgi globallashuv jarayonida, MDH davlatlari bilan mehnat va bandlik sohasida hamkorlikni kengaytirish O‘zbekiston fuqarolarining davlatlararo erkin harakatlanishini hamda mehnat faoliyatini amalga oshirish huquqlarini ta’minlaydi. Bitim MDH davlatlari va O‘zbekiston munosabatlarni yangi bosqichga olib chiqish uchun xizmat qiladi, deyilgan xabarda.
