O‘zbek-afg‘on chegarasidagi vaziyat qanday?

Termizdagi nazorat-o‘tkazish punkti normal rejimda ishlamoqda. Viza, yashash guvohnomasi yoki uchinchi davlatlarga aviachiptasi bo‘lgan fuqarolar nazorat -o‘tkazish punkti orqali o‘tkazilmoqda, deb xabar berdi Sputnik muxbiri.
Shuningdek, yuk tashish harakati tiklandi - yuk mashinalari ikkala yo‘nalishda qatnamoqda.
Chegara yaqinidagi qochoqlar uchun vaqtinchalik chodirli lager bo‘sh, O‘zbekiston TIV kuni kecha u yerda bo‘lgan 150 nafar Afg‘oniston fuqarosiga zarur yordam ko‘rsatilgandan so‘ng, o‘z vataniga qaytarilgani haqida ma’lum qildi.