UNICEF Afg‘onistonda poliomiyelitga qarshi yangi emlash kampaniyasini boshladi
Tashkilot afg‘onlarni har bir bolani emlash uchun olib kelishga undaydi.
UNICEF ma’lumotlariga ko‘ra, qizamiqga qarshi emlashning so‘nggi bosqichi umuman muvaffaqiyatli bo‘lib, 5 hafta ichida 25 ta viloyatda 5 yoshgacha bo‘lgan 1,2 million bola ushbu emlashni olgan.
Ayni paytda Kunar viloyatida poliomiyelitdan o‘lim holati qayd etilgan: mahalliy Tolibon sog‘liqni saqlash boshqarmasi boshlig‘i Muhammad Ishoq Sapay Etilaatroz Daray-Pich hududida 2 yoshli bola halok bo‘lganini aytdi. Bu so‘nggi 2,5 yil ichida mamlakat sharqidagi birinchi bunday holat.
🔸Dunyo aholisining 80% poliomiyelitdan xoli bo‘lgan hududlarda yashashiga qaramay, Afg‘oniston va Pokistonda bu xavfli muammo bo‘lib qolmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)