Ukrainada vaksina olgan student vafot etdi

Kiyev viloyatida, Buchada, "Ukraina gumanitar instituti" xususiy ta’lim muassasasining 19 yoshli talabasi Vladimir Salo koronavirusga qarshi emlanganidan so‘ng vafot etdi. Bu haqda 19 sentyabr, yakshanba kuni ta’lim muassasasi rasmiy saytida ma’lum qilindi.

Institut xabar berishicha, yigit 13 sentyabr kuni soat 14.30da koronavirusga qarshi emlangan. Shundan so‘ng, uning ahvoli yomonlashdi.

"Kechqurun u o‘zini yaxshi his qilgan, soat 18.30 da talabalar oshxonasida kechki ovqat tayyorlagan. Keyin harorati ko‘tarilgan, soat 20.15da konvulsiyalar boshlandi. 20.35da puls va nafas olishi yo‘qolgan", - deyiladi xabarda.

Ma’lumki, yigit uchinchi kursda filologiya fakultetini bitirgan. U katta oiladan edi.

O‘lim sababi haqidagi dastlabki guvohnomada "Yurak -o‘pka yetishmovchiligi. O‘pka shishi. O‘tkir koronar yetishmovchilik" ko‘rsatilgan.

O‘lim sababi haqidagi yakuniy xulosa sud-tibbiy ekspertizasidan so‘ng ma’lum bo‘ladi.