Ukraina Rossiya fuqarolari uchun viza tartibini joriy etishga qaror qildi

Ukraina Rossiya fuqarolari uchun viza tartibini joriy etishga qaror qildi

Ukraina Rossiya fuqarolari uchun 1 iyuldan boshlab viza tartibini joriy etdi.

Ukraina 1 iyuldan rossiyaliklar uchun viza rejimini joriy etishga qaror qildi. Bu haqda juma kuni Ukraina prezidenti devoni rahbari Andrey Yermak ma’lum qildi.

"Bugun prezident Rossiya bilan viza rejimini joriy etish jarayonini boshladi. Vazirlar Mahkamasi qaror qabul qildi, unga ko‘ra rossiyaliklar uchun viza rejimi 2022 yil 1 iyuldan ishlaydi", deb yozdi u Telegram-kanalida.

O‘z navbatida, Bosh vazir Denis Shmigal ham hukumat tomonidan Rossiya Federasiyasi bilan vizasiz rejim bo‘yicha kelishuvni bekor qilish to‘g‘risida qabul qilingan qarorni e’lon qildi.

25 may kuni Zelenskiy Rossiya fuqarolari uchun viza rejimi bo‘yicha petisiyani qo‘llab-quvvatladi va bosh vazir Denis Shmigalga bu masalani ko‘rib chiqishni topshirgan edi.

Rossiya Federasiyasining Yevropa Ittifoqidagi doimiy vakili Vladimir Chijov Ukrainaning Rossiya bilan viza rejimini joriy etish qarorini mutlaqo bema’nilik deb atadi.

"Menimcha, bu mutlaqo bema’nilik", dedi u RIA Novosti bilan suhbatda Sankt-Peterburgda bo‘lib o‘tayotgan xalqaro iqtisodiy forum doirasida.

Mutaxassislar fikriga ko‘ra, bugungi kun sharoitida bunday qaror qabul qilish hech narsani o‘zgartirmaydi. Faqat Rossiyada qarindoshlari bor ukrainaliklar va Ukrainada qarindoshi bor rossiyaliklar uchun birz ma’muriy qiyinchiliklar tug‘dirishi mumkin.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (1 )

    МТС
    Россия аскарлариям виза билан киритиладими?