Ukraina Moskva shahri va viloyatiga yuzlab dronlar bilan hujum qildi

Moskva meri Sergey Sobyaninning ma’lum qilishicha, poytaxt yaqinida 180 dan ortiq dron yo‘q qilingan. Tonggi 5:00 gacha Rossiya poytaxti tomon jami 620 ta uchuvchisiz apparat uchib kelgan, deb yozdi u o‘zining Telegram-kanalida.

Moskva viloyati gubernatori Andrey Vorobyovning xabar berishicha, Kolomna okrugida dron qoldiqlarining qulashi oqibatida “Globus” savdo markazi hududida yong‘in chiqqan. Bundan tashqari, drom Moskva viloyatining Bogorodsk okrugidagi “Atlant-park” hududida joylashgan Wildberries omboriga borib urilgan. Vorobyovning so‘zlariga ko‘ra, buning natijasida kelib chiqqan yong‘in o‘chirilgan.

Hujum natijasida, shuningdek, Moskva viloyatining Kotelniki shahridagi “Dyuna” turar-joy majmuasiga ham zarar yetgan bo‘lishi mumkin. Buni Ukrainaning Exilnova+ Telegram-kanalida e’lon qilingan rasm va videolar tasdiqlaydi. Ushbu turar-joy majmuasi avval ham bir necha bor zarba nishoniga aylangan Moskva neftni qayta ishlash zavodidan 5 km uzoqlikda joylashgan.