Ukraina deyarli ikki million tonna don eksport qildi, ammo bu AQSh uchun yetarli emas

AQSh va Yevropa Ittifoqi may oyida Ukrainaga 1,7 million tonna don eksport qilishda yordam berdi, dedi Davlat departamenti matbuot kotibi Ned Prays.

AQSh rasmiylariga ko‘ra, optimal ssenariyda Ukraina oyiga uch million tonna don yetkazib bera oladi - tinchlik davridagi hajmning yarmi.

12 iyun kuni Ukraina hukumati mamlakatda go‘yoki 22 million tonna g‘alla borligini, ular Polsha, Ruminiya va Boltiq dengizi orqali yangi yo‘nalishlar bo‘ylab eksport qilinishini ma’lum qildi.

Kelgusi hafta Yevroparlament deputatlari delegasiyasi Polsha va Ukraina o‘rtasidagi chegaraga tashrif buyurib, Ukraina donini eksport qilish jarayonini ko‘zdan kechirish niyatida.