UYEFA Millatlar ligasi yarimfinaliga qur’a tashlandi
Shveysariyaning Nyon shahridagi UYEFA shtab-kvartirasida Millatlar ligasi-2022/23 yarimfinaliga qur’a tashlandi.
Pley-off bosqichiga turnirning A divizionidagi o‘z guruhida 1-o‘rinni egallagan jamoalar – Xorvatiya, Ispaniya, Italiya va Niderlandiya yo‘llanma olgan edi.
Qur’aga ko‘ra, Niderlandiya Xorvatiyaga qarshi maydonga tushsa, Ispaniya Italiya bilan o‘ynaydigan bo‘ldi. G‘olib jamoalar finalga yo‘llanma oladi.
Yarimfinal bahslari Niderlandiyada o‘tkaziladi. Mezbonlarning Xorvatiyaga qarshi o‘yini 14 iyun kuni Rotterdamda, Ispaniya – Italiya bahsi esa 15 iyun kuni Ensxed shahrida o‘tkaziladi.
Uchinchi o‘rin uchun o‘yin 18 iyun kuni Ensxedda, final o‘sha kuni Rotterdamda bo‘lib o‘tadi.
Ma’lumot uchun, UYEFA Millatlar ligasining amaldagi chempioni Fransiya bu mavsum yarimfinalga yo‘llanma ololmadi.