Turkmanistonda qizilmiyadan koronavirusga qarshi dori yaratiladi

Turkmanistonda qizilmiyadan koronavirusga qarshi dori yaratiladi

Tez orada Turkmanistonda yangi dori — qizilmiya ildizi ekstraktidan tayyorlangan tabletkalar paydo bo‘ladi. Dorivor o‘simlikdan yangi turdagi dori-darmon ishlab chiqarishni "Turkmendermansenagat" uyushmasining "Saglik" mahalliy farmasevtika kompaniyasi yo‘lga qo‘ydi, deb yozadi "Turkmaniston" gazetasi.

Qizilmiya ildizi S vitamini va efir moylariga boy. Undan asosan yuqori nafas yo‘llari kasalliklarida yumshatuvchi, yallig‘lanishga qarshi vosita sifatida foydalanish tavsiya etiladi.

Bundan tashqari, ildiz tarkibida shirin ta’m beradigan glisirrizin kislotasi mavjud, shuning uchun u shakarga qaraganda 40% shirinroq. Qandli diabet bilan og‘rigan bemorlar uchun tibbiy ovqatlanishda keng qo‘llaniladi. Bu kislota ham antiviral ta’sirga ega.

Turkmanistonda qizilmiya qayta ishlanadigan Buyan deb nomlangan butun agrosanoat majmuasi ishlaydi. Korxona qizilmiya ildizidan foydali moddalar bilan choy, ekstrakt, balzam, kapsula tayyorlaydi.

Turkmanistonda qizilmiya, Prezident Gurbanguli Berdimuhamedovning so‘zlariga ko‘ra, koronavirus infeksiyasining yangi turiga qarshi kurashda yordam berishi mumkin. O‘tgan yilning dekabr oyida davlat rahbari Turkmaniston Fanlar akademiyasi rahbariga va Sog‘liqni saqlash va tibbiyot sanoati vaziriga bu sohada tadqiqotlar olib borishni topshirgandi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!