Turkiyada zilzila natijasida uy-joyidan ayrilganlar uchun chodirlar o‘rnatilmoqda

Olingan ma’lumotlarga ko‘ra, zilzila markazi bo‘lgan Qahramanmarashda zilzila jabrdiydalarini joylashtirish uchun chodirlar o‘rnatilmoqda.

Garnizon qo‘mondonligi askarlari tomonidan turli hududlarda 4 mingdan ortiq chodir quriladi.

Zilzilalardan eng ko‘p zarar ko‘rgan shaharlardan biri bo‘lgan Malatya fuqarolari uchun Markaziy sport zalidan joy ajratiladi.

Sport zaliga kelgan ba’zi zilziladan omon qolganlar tunni shu yerda o‘tkazar ekan, oziq-ovqat sport zalidan tashqarida tarqatiladi.

Viloyat Yoshlar va sport direktori Ebubekir Kayhan shahardagi barcha sport zallari va yoshlar markazlari zilzila qurbonlari uchun ochiqligini bildirdi.