Turkiya mart oyigacha Finlyandiyaning NATOga a’zo bo‘lish taklifini ma’qullashi mumkin, Shvesiya esa...

Turkiya mart oyigacha Finlyandiyaning Shimoliy Atlantika ittifoqiga qo‘shilishini ma’qullashi mumkin, shu bilan birga Shvesiyaning maqomi noma’lumligicha qolmoqda.

Bu haqda Bloomberg axborot manbalariga tayanib xabar bermoqda.

Gazetaning yozishicha, Turkiya yetakchisi Rajab Toyyib Erdo‘g‘on Finlyandiya NATOga a’zo bo‘lish uchun barcha zarur choralarni ko‘rganini e’lon qilishga yaqin turibdi.

“Bu haqda bayonot Turkiya parlamenti may oyiga rejalashtirilgan saylovlar oldidan mart oyi o‘rtalarida ta’tilga chiqishidan oldin berilishi mumkin”, - deydi manbalar.

Shu bilan birga, agentlikning qo‘shimcha qilishicha, Shvesiyaning maqomi noaniqligicha qolmoqda.