Tramp Putinga tahdid qilishni boshladi

AQSh prezidenti Donald Tramp, agar Rossiya yetakchisi Vladimir Putin Ukraina bilan mojaroni hal qila olmasa, uning oxiri yomon bo‘lishini aytdi.

Oq uy rahbari agar Rossiya prezidenti tarang vaziyatni bartaraf eta olsa, bu ajoyib ko‘rinishini ta’kidladi.

"Menimcha, u bu masalani hal qiladi. Lekin baribir harakat qilamiz. Agar u bunday qilmasa, bu uning uchun yomon tugaydi", - dedi Tramp.

AQSh prezidenti, shuningdek, agar mojaro hal etilmasa, Tomahawk raketalarini Kiyevga topshirish imkoniyatini ham ko‘tardi. U bu masalani Putin bilan muhokama qilishi mumkinligini aytdi.

O‘z navbatida, Ukraina prezidenti Vladimir Zelenskiy Oq uy rahbari hali Tomahawk raketalarini yetkazib berish bo‘yicha qaror qabul qilmagani va Kiyev bu boradagi ishlarni davom ettirayotganini aytdi.