Tramp: "Putindan qattiq xafaman"

AQSh prezidenti Donald Tramp Rossiya yetakchisi Vladimir Putindan hafsalasi pir bo‘lganini yana bir bor ta’kidlab, Rossiya-Ukraina urushini hal qilish Yaqin Sharqdagi mojarodan ko‘ra qiyinroq ekanligini ta’kidladi.

Tramp bu haqda Kanada bosh vaziri Mark Karni bilan uchrashuv oldidan Oq uyda jurnalistlarga ma’lum qildi.

Trampning so‘zlariga ko‘ra, u dastlab bu mojaro eng oson hal bo‘lishini kutgan, bunga qisman Rossiya prezidenti Vladimir Putin bilan yaxshi munosabatda bo‘lgan.

"Vladimir Putindan juda hafsalamiz pir bo‘ldi, men bu mojaro oson hal bo‘ladi deb o‘ylagandim. Lekin bu Yaqin Sharqdan ko‘ra qiyinroq ekani ma’lum bo‘ldi, shuning uchun u yerda nima bo‘lishini ko‘ramiz", - dedi Amerika prezidenti.

Tramp, shuningdek, jurnalistlarga yaqin orada Xitoy rahbari Si Szinpin bilan Janubiy Koreyada uchrashishni kutayotganini ma’lum qildi va AQSh hukumatidagi uzilishlar uchun Demokratik partiyani aybladi.