Tramp AQShda o‘q-dorilar tanqisligi haqidagi ma’lumotlarni sizdirganlarga qamoq bilan tahdid qildi

AQSh prezidenti Donald Tramp 6 avgust kuni Truth Social ijtimoiy tarmog‘ida AQSh arsenalida o‘q-dorilar taqchilligi haqida ma’lumot tarqatganlarni javobgarlikka tortish bilan tahdid qildi.

Oq uy rahbari AQShda "ayniqsa, ma’lum turdagi" o‘q-dorilarning katta zaxiralari borligiga ishontirdi. Aynan qaysilarini, u aniqlashtirmadi.

Shuningdek, Trampning so‘zlariga ko‘ra, zarurat tug‘ilganda AQShga katta miqdorda o‘q-dorilar ishlab chiqariladi va yetkazib beriladi. Uning ta’kidlashicha, hozirda mudofaa kompaniyalari Amerika tarixida rekord darajadagi zavod va fabrikalar qurmoqda.

​"Davlatga xoinlikka teng bo‘lgan ushbu da’volarni tarqatganlarni qidirish ishlari olib borilmoqda. Ular uchun uzoq muddatli qamoq jazolari so‘raladi!" — deb bayonot berdi AQSh prezidenti.