Toshkent va uning atrofidagi issiqxonalar uchun soliq 10 baravarga oshirilishi mumkin

Soliq kodeksiga o‘zgartish va qo‘shimchalar kiritish to‘g‘risidagi qonun loyihasi jamoatchilik muhokamasiga qo‘yildi.

📌 Loyihaga ko‘ra, Toshkent shahri va uning atrofida joylashgan ayrim issiqxonalar uchun:
➖ mol-mulk solig‘i;
➖ er solig‘i stavkalari 10 baravarga oshirilishi taklif etilmoqda.

Bunda quyidagi issiqxonalarga oshirilgan soliq stavkalari tatbiq etilmaydi:
➖ qozonxonalari demontaj qilingan issiqxonalar;
➖ elektr energiyasi bilan isitiladigan issiqxonalar.

📝 Hozircha bu qonun loyihasi bo‘lib, u jamoatchilik muhokamasidan so‘ng belgilangan tartibda ko‘rib chiqiladi.