Tayvan AQShga ko‘rsatgan yordami uchun minnatdorchilik bildiradi
Tayvan Tashqi ishlar vazirligi Amerika Qo‘shma Shtatlariga Tayvan bo‘g‘ozi hududida vaziyat keskinlashgan bir paytda orolni qo‘llab-quvvatlagani uchun minnatdorchilik bildirdi.
Vazirlik AQShning Pekinni orolga qarshi ko‘rilayotgan choralar uchun tanqidiga izoh berdi.
“Tashqi ishlar vazirligi AQSh hukumatiga kuchli qo‘llab-quvvatlagani, demokratik Tayvan bilan bir necha bor birdamlik izhor qilgani hamda Tayvan bo‘g‘ozida xavfsizlik va mintaqadagi tinchlikni ta’minlash bo‘yicha aniq harakatlar uchun samimiy minnatdorlik bildiradi”, — deya TIV bayonotidan iqtibos keltirgan TASS.
Avvalroq Xitoyning Rossiyadagi elchisi Chjan Xanxuy AQSh Kongressi Vakillar palatasi spikeri Nensi Pelosining Tayvanga tashrifidan keyin ko‘rsatilgan qo‘llab-quvvatlash uchun Moskvaga minnatdorlik bildirgandi.