Tatyana Karimova Qashqadaryoda O‘zbekistonning Birinchi Prezidenti Islom Karimov haykali poyiga gul qo‘ydi

Qarshi shahrida "Islom Karimov o‘qishlari: O‘zbekiston mustaqillikka erishish yo‘lida: shart-sharoitlar, ilk qadamlar va islohotlar" mavzusidagi ilmiy anjuman o‘tkazilmoqda. Bu haqda Qashqadaryo viloyati hokimligi matbuot xizmati xabar berdi.

Qayd etilishicha, Anjumanning ilk kunida Islom Karimov nomidagi ilmiy-ma’rifiy yodgorlik majmuasi Homiylik kengashi a’zosi Tatyana Karimova ishtirokidagi mehmonlar vohaning diqqatga sazovor joylarida bo‘lishdi. Bugungi anjuman O‘zbekistonning Birinchi Prezidenti Islom Karimov haykali poyiga gul qo‘yishdan boshlandi.

Shuningdek, viloyat hokimligida Birinchi Prezidentimizning ish faoliyati va xotirasiga bag‘ishlangan fotoko‘rgazma ham tashkil etildi.

Shundan so‘ng, yalpi majlis va sho‘’balarga bo‘lingan holda Islom Karimov faoliyatini o‘rganishga doir anjuman o‘z ishini boshladi.