Taniqli qo‘shiqchining otasi qizidan pul talab qilmoqda
Mashhur amerikalik qo‘shiqchi Britni Spirsning otasi Jeymi sudga ariza bilan murojaat qilib, qizidan advokatlar xizmati uchun haq to‘lashni talab qildi. Bu haqda People yozmoqda.
Jeymi Spirs shu tarzda uning vasiyligi tezroq tugashiga ishontirmoqda.
“Jeymining advokatlariga to‘lovlarni zudlik bilan to‘lash uning vasiyligi tez va samarali yakunlanishini ta’minlash uchun zarur, shunda Britni o‘z hayotini o‘zi va Jeymi xohlagandek nazorat qila oladi”, — deyiladi sud hujjatlarida.
Bu bayonotni Britnining advokati Metyu Rozengart allaqachon izohlagan. Uning fikricha, Jeymi Spirs bunday xatti-harakatidan uyalishi kerak.
"Janob Spirs Britnidan ko‘p millionlab dollar oldi. Vasiylik tugatildi va janob Spirs sharmandalik bilan ishdan bo‘shatildi. Uning arizasi nafaqat qonuniy asossiz, balki shunchaki jirkanchdir. Qizini sevadigan ota bunday qilmasligi kerak", - dedi advokat.
