Tadbirkorlarga asossiz qarzdorlik hisoblash holatlari davom etmoqda

☑️ Toshkent viloyatida tadbirkorga elektr energiyasi uchun 300 mln so‘mga yaqin asossiz qarzdorlik hisoblangan.

Eslatib o‘tamiz, joriy yil sentyabr oyida Monopoliyaga qarshi kurashish qo‘mitasining Toshkent viloyati hududiy boshqarmasiga Qibray tumanidagi tadbirkor murojaat qilib, unga elektr energiyasidan asossiz hisoblangan jami 114 167 880 so‘m qarzdorlik hisoblanganligini ma’lum qilgan edi. Natijada “Toshkent hududiy elektr tarmoqlari” AJga nisbatan ish qo‘zg‘atilgan va asossiz qarzdorlik hisobdan chiqarilgan edi.

♾ Hurmatli tadbirkorlar! Tabiiy monopoliya sub’ektlari tovarlarni iste’mol qilishda turli xil kamsitilishlar, asossiz qarzdorlik hisoblanish holatlari aniqlansa xuquqlaringizni himoya qilish maqsadida Monopoliyaga qarshi kurashish qo‘mitasi va uning hududiy boshqarmalariga murojaat qiling.