Surxondaryoda o‘qituvchi vazifani bajarmagan o‘quvchini kaltakladi
Ijtimoiy tarmoqlarda maktab o‘quvchisi kaltaklangani aks etgan video tarqaldi. Bosh prokuratura Matbuot xizmati holatga munosabat bildirdi.
Aniqlanishicha, joriy yilning 22 aprel kuni Surxondaryo viloyatining Bandixon tumanidagi 4-maktabning ingliz tili fani o‘qituvchisi 9-sinf o‘quvchisi dars mashg‘ulotlariga tayyorgarlik ko‘rmasdan kelganligi uchun uni urgan.
Holat yuzasidan Bandixon tumani IIB tomonidan tergovga qadar tekshiruv harakatlari boshlangan.
Tekshirish doirasida o‘qituvchining xatti-harakatlari yuzasidan xizmat tekshiruvi tayinlangan.
Tekshiruv harakatlari Surxondaryo viloyati prokuraturasi tomonidan alohida nazoratga olingan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)