«Siyosiy qotillik»: Moskva Isroilni qoralaydi
Livan Hizbullohi yetakchisi Hasan Nasrullohning o‘ldirilishi Isroil tomonidan siyosiy sabablarga ko‘ra amalga oshirilgan, Moskva buni qoralaydi, deyiladi Rossiya Tashqi ishlar vazirligi saytida.
«Biz Isroil tomonidan sodir etilgan yana bir siyosiy qotillikni keskin qoralaymiz. Bu harakat Livan va butun Yaqin Sharq uchun yanada jiddiy oqibatlarga olib kelishi mumkin», — dedi Rossiya TIV.
Ularning ta’kidlashicha, Isroil bunday oqibatlar xavfini tushunmagan bo‘lishi mumkin emas, lekin «Livan fuqarolarini o‘ldirish» bilan davom etdi. Bu «deyarli muqarrar ravishda yangi zo‘ravonlik kuchayishiga sabab bo‘ladi» va mumkin bo‘lgan keskinlashuv uchun Isroil to‘liq javobgarlikni o‘z zimmasiga oladi, deya qo‘shimcha qildi Tashqi ishlar vazirligi.
Rossiya departamenti Isroilni mintaqada siyosiy va diplomatik yechim topish uchun sharoit yaratish maqsadida harbiy harakatlarni zudlik bilan to‘xtatishga chaqirdi.
