Shomurodovga qiziqqan klub boshqa hujumchi oldi

Eldor Shomurodovga qiziqish bildirgan “Beshiktosh” klubi markaziy hujumchi pozisiyasiga serbiyalik hujumchi Dushan Vlaxovichni oldi.

Bu haqda Turkiya klubi ijtimoiy tarmoqdagi X akkaunti orqali ma’lum qildi.

Avvalroq matbuotda futbolchining shartnomasi 2029 yil yozigacha mo‘ljallanishi haqida ma’lumotlar paydo bo‘lgan edi.

Serbiyalik hujumchining maoshi bonuslardan tashqari yiliga 8 million yevroni tashkil etadi. Shuningdek, Vlaxovich shartnoma imzolagani uchun katta miqdorda bonus oladi.

2025/2026 yilgi mavsumda Vlaxovich Turinning «Yuventus» klubi safida barcha musobaqalarda 23 ta uchrashuvda ishtirok etdi. Ushbu o‘yinlarda 10 ta gol urdi va 2 ta golli uzatma amalga oshirdi.

Transfermarkt ma’lumotiga ko‘ra, hujumchining bozor qiymati 35 million yevroni tashkil etadi.