Shavkat Mirziyoyev ayni daqiqalarda Jahon banki vise-prezidenti Anna Byerde boshchiligidagi delegasiya bilan uchrashuv o‘tkazmoqda
O‘zbekiston Prezidenti Shavkat Mirziyoyev ayni daqiqalarda Jahon banki vise-prezidenti Anna Byerde boshchiligidagi delegasiya bilan uchrashuv o‘tkazmoqda.
O‘zaro hamkorlik o‘rnatilganidan buyon o‘tgan 30 yilda ustuvor tarmoqlardagi loyihalar portfeli 8 milliard dollardan oshdi.
Bugungi muzokaralar kun tartibidan ushbu yetakchi xalqaro moliyaviy institut ko‘magida ijtimoiy-iqtisodiy loyihalarni ilgari surish masalalari o‘rin olgan.
Alohida e’tibor qishloq joylarda turmush darajasini yaxshilash, davlat korxonalarini xususiylashtirishni jadallashtirish, qishloq xo‘jaligini transformasiya qilish, ijtimoiy sohani modernizasiyalash, iqtisodiyotning energiya samaradorligini oshirish va boshqa jihatlarga qaratiladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
