Shahzoda Garri va Megan Markl unvonlaridan mahrum bo‘ladi
Buyuk Britaniya qirolichasining o‘g‘li to‘ng‘ich shahzoda Garri va Megan Markl eng yuqori unvonidan mahrum bo‘ladi. Bu haqda The Mirror nashri xabar bermoqda.
Britaniya taxtiga birinchi bo‘lib kelgan shahzoda Charlz nabirasi Archi hech qachon shahzoda unvoniga ega bo‘lmasligi uchun asosiy huquqiy hujjatlarni o‘zgartirishni rejalashtirmoqda. Aniqlik kiritilishicha, taxtga o‘tirgandan so‘ng, u asosiy qirol shaxslari sonini cheklashni rejalashtirmoqda, chunki soliq to‘lovchilarning juda ko‘p mablag‘lari qirol oilasini saqlashga sarflanadi.
Nashr shuningdek, bunday qaror shahzoda Garri va Meganning g‘azabini qo‘zg‘aganligini va ular bilan boshqa qirol oilasi o‘rtasidagi munosabatlar sezilarli darajada yomonlashganini ta’kidlamoqda.
Iyun oyi boshida o‘n minglab britaniyaliklar qirolicha Yelizaveta II dan nabirasi shahzoda Garrini barcha unvonlardan mahrum qilishni so‘rashdi. Murojaat Britaniya qirol oilasi haqidagi kitoblar muallifi Ledi Kolin Kempbell tashabbusi bilan chiqqandi. Yozuvchining so‘zlariga ko‘ra, Sasseks gersogi va uning rafiqasi o‘z xatti-harakatlari bilan mamlakat imijiga zarar yetkazmoqda.
