Sergelida aholidan kommunal to‘lovlar uchun yig‘ilgan pullarni o‘zlashtirgan XUJMSh aniqlandi

Bosh prokuratura huzuridagi Departamentning Sergeli tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda, tumandagi Sergeli-5 mavzesidagi 6 ta ko‘p qavatli uylarga xizmat ko‘rsatuvchi “A.B.” xususiy uy-joy mulkdorlari shirkati moddiy javobgar shaxslari xonadon egalaridan kommunal to‘lovlar uchun yig‘ilgan 97,7 mln so‘mni bank kassasiga kirim qilmasdan talon-toroj qilganliklari aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.