Saratovda hovlisidagi snaryadni kesib olmoqchi bo‘lgan erkak vafot etdi

Rossiyaning Saratov shahri tergovchilari snaryad portlashi oqibatida bir kishi halok bo‘lganini tergov qilmoqda. Marhum Saratovda uyi hovlisida temir kesgich bilan snaryadni kesib olmoqchi bo‘lgan.

Bu haqda Rossiyaning TASS axborot agentligi Saratov viloyati Tergov qo‘mitasi matbuot xizmatiga tayanib xabar berdi. «56 yoshli erkak kishining o‘limi yuzasidan tergovga qadar tekshiruv ishlari boshlandi. Dastlabki ma’lumotlarga ko‘ra, 23 oktyabr kuni tushdan keyin 56 yoshli erkak kishi o‘z uyi hovlisida temir kesgich (bolgarka) bilan snaryadni kesib olmoqchi bo‘lgan. Shu payt snaryad portlab ketdi. Voqea joyiga favqulodda vaziyatlar va tez tibbiy yordam xodimlari yetib kelgan, biroq erkak kishini qutqara olmadi», - deyiladi xabarda.

Erkak voqea joyida vafot etdi. Hodisa tafsilotlariga hozircha oydinlik kiritilmoqda. Sud-tibbiyot va portlovchi texnik ekspertizasi tayinlandi.