Rossiyaning 10 nafar fuqarosi Ukrainaga viza oldi
2022 yil 1 iyuldan boshlab 10 nafar rossiyalik Ukraina vizasini oldi. Bu haqda Ukraina tashqi ishlar vazirligiga tayanib, Hromadske yozmoqda.
Ruslar uchun vizalar Ukrainaning xorijiy diplomatik muassasalari tomonidan berilgan.
Departament Ukraina vizalarini aynan kim olgani va rossiyaliklarga qancha viza berilmaganiga aniqlik kiritmagan.
Ukraina Rossiya fuqarolari uchun 1 iyuldan boshlab viza rejimi joriy etdi. Ruslar standart narx va Ukrainada 90 kungacha bo‘lgan ruxsat etilgan muddat bilan klassik pulli viza olish uchun murojaat qilishlari mumkin. Uchinchi mamlakatlarda bo‘lgan Rossiya fuqarolari Ukraina elchixonalari yoki konsulliklariga viza olish uchun murojaat etishlari so‘raladi.
Noyabr oyi boshida Ukraina mamlakatga immigrasiya qilish yoki mamlakatda yashash uchun ruxsatnoma olish istagida bo‘lgan Rossiya fuqarolarining arizalarini qabul qilish va ko‘rib chiqishni to‘xtatdi. Taqiq Ukrainada qarindoshlari bo‘lmagan yoki Ukraina kompaniyalari va tashkilotlarida ishlamaydigan Rossiya fuqarolariga nisbatan qo‘llaniladi.
Ushbu cheklovlar Ukraina fuqarosi bilan turmush qurgan, Ukraina fuqarolarining farzandlari yoki ota-onalari bo‘lgan, Ukraina fuqarolarining qarindoshlari bo‘lgan, Ukraina Qurolli Kuchlarida uch yoki undan ortiq yil xizmat qilgan, shuningdek, Ukrainaga tuzilgan shartnoma bilan ishga kirish uchun kelgan Rossiya Federasiyasi fuqarolariga taalluqli emas.
