Rossiyalik turistlar O‘zbekistonda qancha pul sarflashi ma’lum bo‘ldi

Turizm va madaniy meros vazirligi vakilining Sputnik muxbiriga ma’lum qilishicha, rossiyalik sayyohlar O‘zbekistonda o‘rtacha 635$ sarflashadi.

2022 yilning 5 oyi davomida respublikaga 132 179 nafar rossiyalik sayyoh tashrif buyurgan. Ular O‘zbekistonda asosan gastronom, plyaj, ekstremal va madaniy-tarixiy turizmga qiziqish bildirgan.

“Rossiyalik mehmonlar Toshkent, Buxoro, Samarqand, Xiva, Farg‘ona, Termiz va Qoraqalpog‘iston Respublikasiga tashrif buyurishni yoqtirishadi”, - deydi vazirlik vakili.

Ekspertlarning fikrlariga ko‘ra, Rossiyadan sayyohlar oqimi kamayishiga sabab bo‘luvchi muammolar ham bor. Bular xususan, mamlakatlar o‘rtasidagi reyslarning cheklangan soni va havo qatnovi chastotasi bilan bog‘liq.