Rossiyada MDH mamlakatlaridan bo‘lgan noqonuniy migrantlar soni ochiqlandi

Rossiyada MDH mamlakatlaridan bo‘lgan noqonuniy migrantlar soni ochiqlandi

Rossiyada 700 mingdan ziyod MDH mamlakatlaridan bo‘lgan migrantlar bor. Bu haqda Rossiya ichki ishlar vaziri o‘rinbosari Aleksandr Gorovoy Ozarbayjon, Armaniston, Belarus, Qozog‘iston, Qirg‘iziston, Moldova, Tojikiston, Turkmaniston, O‘zbekiston va Ukraina elchilari bilan uchrashuvda ma’lum qildi, deyiladi IIV saytida.
Rossiya IIV aprel oyida noqonuniy migrantlarga idoraning hududiy organlariga ro‘yxatdan o‘tish va zaruriy hujjatlarini rasmiylashtirishni tavsiya qilganini eslatgan.
“Bunga qaramasdan, hamma chet el fuqarolari ham IIV murojaat qilishga shoshilishmayapti Bugungi kunda MDHga a’zo davlatlarning 700 mingdan ziyodi fuqarosi “soyada” qolishda davom etmoqda”, - deyilgan xabarda.

Bundan tashqari, Gorovoyning so‘zlariga ko‘ra, bu yil xorijiy fuqarolar sodir etgan jinoyatlar soni 5 foizga o‘sgan. Gap jamoat tartibini buzish va ommaviy janjallar haqida bormoqda.
Eslatib o‘tamiz, Rossiyada COVID-19 pandemiyasi munosabati bilan 30 sentyabrga qadar migrantlarning vaqtincha bo‘lish muddati uzaytirilgan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!