"Rossiya va AQSh birlashishi kerak": Putin Baydenga murojaat qildi

Rossiya prezidenti Vladimir Putin amerikalik hamkasbi Jo Baydenni Yangi yil bilan tabrikladi. Bu haqda 30 dekabr, payshanba kuni Kreml rasmiy saytida ma’lum qilindi.

Rossiya rahbari o‘z tabriklarida Moskva va Vashington o‘zaro konstruktiv hamkorlikni yo‘lga qo‘yishlari kerakligini ta’kidladi, chunki ular dunyodagi barqarorlik uchun alohida mas’uliyat yuklaydi. U, shuningdek, insoniyat duch kelayotgan ko‘plab tahdidlarga qarshi kurashda ikki davlat ham birlashishi zarurligini ta’kidladi.

“Ishonchim komilki, Jenevada iyun oyida bo‘lib o‘tgan sammitda erishilgan kelishuvlarimiz va undan keyingi aloqalarni ishlab chiqishda biz olg‘a siljishimiz va o‘zaro hurmat va bir-birimizning milliy manfaatlarimizni hisobga olgan holda samarali Rossiya-Amerika muloqotini yo‘lga qo‘yishimiz mumkin”, - deya tabrigini yakunladi Putin.