Rossiya qo‘shinlari Qozog‘istondan qaytmoqda
Rossiya Aerokosmik kuchlari harbiy-transport aviasiyasining 19 ta samolyoti Olmaota shahri aerodromidan havoga ko‘tarildi. Bu haqda 16 yanvar, yakshanba kuni Rossiya Federasiyasi Mudofaa vazirligi xabar berdi.
«Ayni vaqtda Rossiya Aerokosmik kuchlari harbiy-transport aviasiyasining 19 ta samolyoti (18 ta Il-76 va bitta An-124 samolyoti) Qozog‘istondan Rossiya tinchlikparvar kuchlarini olib ketmoqda», — deyiladi xabarda.
Ta’kidlanishicha, samolyot Havo-desant kuchlari bo‘linmalarining shaxsiy tarkibi va texnikasini Moskva viloyatidagi Chkalovskiy aerodromiga yetkazadi.
Shu bilan birga, 13 yanvar kuni Rossiya harbiylari bo‘lgan ilk samolyotlar Qozog‘istondan jo‘nab ketdi. Ular Ivanovo-Severniy (Ivanovo viloyati) va Chkalovskiy aeroportlariga etib kelishdi.
Eslatib o‘tamiz, avvalroq KXSHTning Qozog‘istondagi missiyasini yakunlash sanasi ma’lum qilingandi. Tinchlikparvarlar ushbu mamlakatdagi alohida ahamiyatga ega 14 ta ob’ektni qo‘riqladi.