"Rossiya qisqa muddatli yarashuvga harakat qilyapti"

Ukraina prezidenti Moskvaning bundan ko‘zlagan maqsadini ma’lum qildi.

Rossiya tinchlikka emas, qisqa muddatli yarashuvga intilmoqda. Vladimir Zelenskiyning fikricha, bundan ko‘zlangan maqsad qo‘shinlarning biroz muddat tin olishini ta’minlashdan iborat.

RF rasmiylari bir necha bor hech qanday oldindan shartlarsiz muzokaralarni boshlashga tayyorligini aytgandi.

«Rossiya biroz xordiq chiqarish uchun qisqa muddatli yarashuvga intilyapti. Kimdir buni urushning yakuni deyishi mumkin, ammo bu kabi tanaffuslar vaziyatni yanada yomonlashtiradi», – degan Ukraina rahbari.

Janob Zelenskiyning fikricha, haqiqiy va uzoq muddatli tinchlikka faqatgina Rossiya agressiyasiga to‘liq barham berilgandagina erishish mumkin.