Rossiya neft va gazidan voz kechish Yevropa Ittifoqiga 195 milliard yevroga tushadi

Evropa davlatlarining Rossiya uglevodorodlaridan voz kechishi YEIga taxminan 195 milliard yevroga tushadi. Bu haqda Financial Times jurnali xabar tarqatmoqda.

Jurnalning yozishicha, Yevro Ittifoqi davlatlari bu mablag‘ni kelasi besh yil ichida sarflaydi.

Evropa Komissiyasi Rossiyaga energetika qaramligidan xalos bo‘lish uchun energiyani tezlashtirilgan o‘tish loyihasini ishlab chiqdi. Hujjatda qayd etilishicha, Yevropa Ittifoqi mamlakatlari qayta tiklanadigan energiyani rivojlantirishga e’tibor qaratishlari va umuman energiya sarfini kamaytirishlari kerak.

Financial Times jurnalining ma’lumotiga ko‘ra, Yevropa komissiyasi loyihani kelasi hafta rasman ko‘rib chiqish uchun taqdim etadi.