Rossiya gipertovushli raketalarning yangi avlodini yaratdi

Rossiya yangi avlod gipertovushli raketalarni yaratmoqda. Bu haqda Rossiya bosh vaziri o‘rinbosari Yuriy Borisov Interfaksga bergan intervyusida ma’lum qildi.

Qayd etilishicha, raketalar samolyotlar, kemalar, suv osti kemalari, yerdagi qurilmalar uchun mo‘ljallangan.

Yangi qurollarning birinchi namunalari allaqachon TTu-22M3M strategik bombardimonchi samolyotida sinovdan o‘tkazilmoqda va tez orada jangovar navbatchilikka o‘tadi.

“O‘z xususiyatlariga ko‘ra, ular yetakchi davlatlarning mavjud va kelajakdagi rivojlanishidan o‘zib ketadi”, — dedi Rossiya Federasiyasi hukumati raisining o‘rinbosari.

U yana bir bor Rossiyada aniq boshqariladigan raketalar va o‘q-dorilar, jumladan, gipertovushli raketalar yetarli darajada ta’minlanganligini eslatdi.