Rossiya G‘arb texnologiyalarini Hindiston orqali sanksiyalarni chetlab o‘tib olmoqda

Strider Technologies ma’lumotlariga ko‘ra, Rossiya Ukrainadagi urush boshlanganidan beri Hindiston orqali Yevropa va boshqa G‘arb davlatlarida ishlab chiqarilgan ikki xil maqsadda qo‘llanilishi mumkin bo‘lgan tovarlarni import qilishni davom ettirmoqda. Tadqiqotchilar 2022 yildan buyon Hindiston orqali Rossiyaga yetkazilgan qariyb 50 ming nazorat ostidagi yoki sezgir mahsulotni kuzatgan.

Gap elektronika, sanoat uskunalari, aniq o‘lchov asboblari, transport butlovchi qismlari va zamonaviy elektr tizimlari haqida bormoqda.

Strider hisobotiga ko‘ra, Rossiyaga Hindiston orqali yetkazilgan G‘arb mahsulotlari eksporti keskin oshgan: Britaniya mahsulotlari — 180%, Shveysariya — 131%, Shvesiya — 455%, Fransiya — 98%ga ko‘paygan.