Rigada 9 may kuni Sovet askarlari haykali poyiga qo‘yilgan gullar traktor bilan olib tashlandi

Latviya poytaxti munisipal xizmatlari 10 may kuni ertalab Sovet ozodchilari haykali poyiga qo‘yilgan gullarni traktor bilan olib tashlashdi. Bu haqda mahalliy OAVga tayanib, “Izvestiya” gazetasi xabar bermoqda.

Shahar dumasi deputati Konstantin Chekushin ijtimoiy tarmoqlardagi sahifasida voqea joyidan suratlarni e’lon qildi, u yerda haykalga qo‘yilgan gullarni buldozer qanday olib tashlayotganini ko‘rish mumkin.

Riga hokimiyati vakillari shahar xizmatlari polisiya tomonidan ishlab chiqilgan rejaga muvofiq harakat qilganini ta’kidladilar. Unda parkni imkon qadar tezroq olib tashlash kerakligi aytilgan.

Latviya uyg‘unlik partiyasi yetakchisi Yanis Urbanovich bu harakatlarni qoralab, gullarni olib tashlash qarorini provokasiya deb atadi. Uning fikricha, gul gilamini olib tashlash buyrug‘i eng past shaklda inson qadr-qimmatini kamsitishga qaratilgan.