Rasman! Qozog‘iston mudofaa vaziri ombordagi portlashlardan so‘ng iste’foga chiqdi
Qozog‘iston Prezidenti Qosim-Jomart Toqayev mudofaa vaziri Nurlan Yermekbayevning o‘q-dorilar omboridagi favqulodda vaziyatdan keyin iste’fosini qabul qildi. Bu haqda davlat rahbari matbuot kotibi Berik Uali xabar berdi.
26 avgust kuni Qozog‘iston Mudofaa vazirligi Jambil viloyatida muhandislik o‘q-dorilar saqlanadigan harbiy qism omborida yong‘in sodir bo‘lgani haqida xabar berdi. Kamida o‘nta portlash sodir bo‘lgan. Favqulodda vaziyatlar vazirligi ma’lumotlariga ko‘ra, 100 ga yaqin jabrlanuvchilar shifoxonalarga yotqizilgan, ularning 49 nafari mahalliy favqulodda vaziyatlar bo‘limi xodimlari. Bo‘lim 15 kishining o‘lgani va bedarak yo‘qolgan bir kishini qidirish haqida xabar berdi.
"Prezident Qosim-Jomart Toqayev mudofaa vaziri Nurlan Yermekbayevning hisobotini iste’foga chiqish so‘rovi bilan ko‘rib chiqib, uni qabul qildi", — deb yozadi Uali instagramda.
