Qozog‘istonning Toshkent viloyatiga chegaradosh hududida suv toshqini kuzatilmoqda

Turkiston viloyatidagi qator hududlarda kuchli suv toshqini kuzatilmoqda. Ma’lumotni Qozog‘iston Favqulodda vaziyatlar vazirligi tasdiqladi.

Ma’lum qilinishicha, Qozog‘istonda Kentau va Turkiston shaharlari hamda 3 ta tumanda suv toshqini sodir bo‘ldi. Bular viloyatning Baydibek, O‘rdabasin va Sauran tumanlaridir, deb xabar beradi Favqulodda vaziyatlar vazirligi.

"Haroratning keskin ko‘tarilishi qorning erishiga olib keldi. Toshqinlar bo‘lgan hududga barcha zarur texnika va xodimlar jo‘natildi", - dedi Qozog‘iston Favqulodda vaziyatlar vazirligi rasmiy vakili Ruslan Imonqulov.

Suv chiqarish ishlariga 50 dan ortiq qutqaruvchi, 10 ta texnika va 20 ta motor nasoslari jalb qilingan.