Qirg‘iziston ayrim toifadagilar uchun vizani bekor qilmoqchi

Qirg‘iziston ayrim toifadagilar uchun vizani bekor qilmoqchi

Qirg‘iziston Vazirlar mahkamasi respublikaga kazinoga tashrif buyurish uchun kelgan xorijliklar uchun vizalarni bekor qilishni taklif qilmoqda, tegishli qonun loyihasi jamoatchilik muhokamasiga qo‘yilgan.

“Ixtisoslashgan qimor zonasi hududiga kelgan chet el fuqarolari Qirg‘iziston respublikasiga kirishlari va Qirg‘iziston respublikasidan vizasiz va amaldagi hujjatni rasmiylashtirmasdan chiqib ketishlari mumkin. Ixtisoslashtirilgan qimor zonasi hududiga kelgan chet el fuqarolari Qirg‘iziston respublikasiga kirishda va Qirg‘iziston respublikasidan chiqib ketishda fuqaroning shaxsini tasdiqlash uchun amaldagi hujjatni taqdim etishi shart”, - deyiladi qonun loyihasida.

Hujjatga ko‘ra, mazkur qonun loyihasining maqsadi “kelishdan maqsadi Qirg‘iziston respublikasi hududidagi maxsus qimor o‘yinlari zonalariga tashrif buyurish bo‘lgan chet el fuqarolari uchun qulay shart-sharoitlar yaratish”dir.

“Ushbu loyiha investisiyalarni jalb etish va qo‘shimcha ish o‘rinlari yaratishga qaratilgan”, deyiladi qonun loyihasida.

Hujjatda qimor o‘yinlari zonasi chegaralarini buzgan xorij fuqarolari uchun javobgarlik joriy etish ham taklif qilingan. Buning uchun ularga katta miqdorda jarima solinishi yoki ular ikki yillik qamoq jazosiga hukm qilinishi mumkin.

Qirg‘izistonda qimor o‘yinlariga ruxsat beruvchi qonun yozda prezident Sadir Japarov tomonidan imzolangan edi. Birinchi kazinolar Issiqko‘l kurort qirg‘og‘ida paydo bo‘lishi rejalashtirilgan. Qabul qilingan qonun loyihasiga ko‘ra, kazinoda faqat xorijliklar o‘ynashi mumkin bo‘ladi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!