Qashqadaryoda telefondan foydalanib qo‘lga tushgan abituriyent imtihondan chetlashtirildi

Ijtimoiy tarmoqlarda navbatdagi test materiallari tarqaldi. Holatga DTM munosabat bildirdi.

Ma’lum qilinishicha, fizika va matematika fanlaridan test topshiriqlari aks etgan 6410554 raqamli test topshiriqlari kitobi 12 avgust kuni Qashqadaryo viloyatida o‘tkazilgan test sinovlariga taalluqli.

Mazkur abituriyent test sinovi vaqtida telefondan foydalangani videokuzatuv orqali aniqlanib, Vazirlar Mahkamasining 2018 yil 3 apreldagi 261-son qarori bilan tasdiqlangan Nizomning 52-bandiga muvofiq test sinovidan chetlashtirildi.