Qashqadaryoda sportchi Elbek Rahimovni o‘ldirganlarga hukm o‘qildi. Ular orasida IIVning sobiq xodimlari ham bor

Qashqadaryoda sportchi Elbek Rahimovni o‘ldirganlarga hukm o‘qildi. Ular orasida IIVning sobiq xodimlari ham bor

Oliy sud 2021 yilning avgust oyida Qarshi shahrida sport ustasi E. Rahimov qasddan o‘ldirilganligi va uyushgan guruh tomonidan sodir etilgan boshqa jinoyatlar yuzasidan ma’lumot berdi.

Bugun, 2022 yil 5 may kuni, Qashqadaryo viloyat sudida 26 nafar sudlanuvchiga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi.

Ushbu jinoyat ishi Qashqadaryo viloyat sudi sudyasi F. Yusupov raisligida ko‘rib chiqildi.

Sudlanuvchilarning barchasi Qashqadaryo viloyatida tug‘ilgan bo‘lib, ularning 3 nafari voyaga yetmagan shaxs hamda 3 nafari ichki ishlar organlarining sobiq xodimlari.

Sudlanuvchilar Jinoyat kodeksining 97, 109, 111, 127, 137, 169, 277, 28,137, 28,211, 28,277, 210, 230-1, 241-1 moddalarida nazarda tutilgan jinoyatlarni sodir etganlikda aybli deb topildi.

E’lon qilingan sud hukmiga ko‘ra, sudlanuvchilarning 19 nafariga 3 yildan 20 yilgacha bo‘lgan muddatlarga ozodlikdan mahrum qilish jazosi, 1 nafariga 2 yil muddatga ozodlikni cheklash jazosi, voyaga yetmagan shaxslarga 5 yil 6 oydan 10 yilgacha bo‘lgan muddatlarga ozodlikdan mahrum qilish jazosi hamda ichki ishlar organlarining sobiq xodimlariga 3 yildan 8 yilgacha bo‘lgan muddatlarga ozodlikdan mahrum qilish jazosi tayinlandi.

Marhumning qonuniy vakili foydasiga 11 nafar sudlanuvchidan solidar tartibda 10 800 000 so‘m miqdorida moddiy zarar va 150 000 000 so‘m miqdorida ma’naviy zarar undirilishi belgilandi.

Mazkur jinoiy ish bo‘yicha sudga raislik qiluvchi tomonidan sudlanuvchilarga va boshqa tomonlarga hukm ustidan shikoyat qilish tartibi va muddati tushuntirildi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (5 )

    Ⓜ️
    Juda kam yil berishibdiku zo'ravonlarga😡
    Ⓜ️
    Bir ikki tepkilagan 4 yigitga bizda kuni kecha 3 yili 7 oydan berishdi. Bular sog'lom bir yigitni o'ldirib yuborishdi.
    typing...
    Бир иктасига умрбод берса хам арзийчиди
    SHERzod
    Яхши
    Ozod
    IIV sobiq xodimlari o'zlarini sher deb o'ylashgan.... Ollohni oldida javob berish ham bor..