"Putin Yevropada tinchlikning so‘nggi ustunlarini yo‘q qildi" — Germaniya Federal prezidenti Frank-Valter Shtaynmayep

U Rossiyaning Ukrainaga bostirib kirishini “Temir parda” qulagandan keyingi eng dahshatli inqiroz deb atadi va dunyoni yangi mojarolarga tayyorlanishga chaqirdi.

Uning so‘zlariga ko‘ra, SSSRning so‘nggi prezidenti Mixail Gorbachyov aytgan “umumiy Yevropa uyi” xarobaga aylangan.

"Hamkorlik xavfsizligi g‘oyasi tarixga kirdi. Yevropaning siyosiy xaritasi o‘zgardi va bundan keyin ham o‘zgaradi. Kam emas, balki ko‘proq tashqi siyosat kerak, hamfikrlar o‘rtasida ko‘proq hamkorlik qilish kerak", deydi Shtaynmayer Berlinda G7 parlamentlari rahbarlari bilan uchrashuvda.