Pokistonda Xitoy elchisiga suiqasd uyushtirildi

Xitoyning Pokistondagi elchisi suiqasd nishoniga aylanganga o‘xshaydi.

Afg‘oniston chegarasiga yaqin joylashgan Kvetta shahridagi mehmonxonada sodir bo‘lgan portlashda, kamida, to‘rt kishi halok bo‘lgan va 12 kishi jarohatlangan. Ma’lumotlarga ko‘ra, elchi Nong Rong shu mehmonxonada yashayotgan bo‘lib, portlash sodir bo‘lgan vaqtda mehmonxonada bo‘lmagan.

Pokiston Tolibon harakati xudkush-terrorchi tomonidan uyushtirilgani aytilgan hujum uchun javobgarlikni o‘z zimmasiga oldi.